431. De sancto Vedasto.

In Octava.

1. Christo hodierna
sacrificemus solemnia.

2 a. Atque suas victimas
nostra immolent lahia.

2 b. Intentio devota
sacrificii sit ara,

3 a. Cum magna
merita Vedasti
nostra celebrent carmina,

3 b. Quem coelo

terraque honorat

Deus noster et exaltet:

4 a. Miraculis in terra,
in coelo
beatorum gloria,

4b. Hic servorum cultura,
in coelo
sanctorum frequentia.

5 a. Ergo Francorum regi
comes factus in via
Caeco puris precibus
obtinet lucis bona
ostendens Dei magnalia.

5 b. Item de vase sicco
profert vini gaudia,
Cujus ut cunctis magnae
pateat caritatis
atque sanctitatis copia,

6 a. Attrebatae

dnm primum portas
feliciter intrat
divina facturus opera,

6 b, Caeco lumen

et claudo gressum
reddit ac populis
iecit fidei fundamenta.

7 a. Profanis sacris infecto
dum liquori
crucis signa
dedit dextra, fugit
pestis, dissolvuntur vasa
gravida.

7 b. Igneus splendor ab aethre
exporrectus
ad culmina
pontificis funus
observat sancti securaque
receptat.

8 a. Chorus lugubris
patrem pia
deflent lacrima,

8 b. Chorus coelestis
sed auditus
transfert ad astra.

9 a. Sublimis praesul, servos
humiles visita

9 b. Et sordes peccatorum
lava et super astra

10. Leva et tuos
supplices salva.