432. De sancto Vedasto.

la. Lauda, cohors clericalis,
Cum devotae plebis alis
Vedastum pontificem.

1b. Ludovicus rex Francorum
Bellis ut Allemannorum
Fastus fregit apicem,

2 a. Ad Vedastum properavit,
Quem Vedastus perornavit
Fidei cum chlamide.

2b. Idolatra rex renatus

Est devotus Christo datus
Propulsa tyrannide.

3 a. Isti rege comitante
Oaecus voce pertonante
Acclamat itinere:

3 b. Sancte Dei, confer lumen,
Quia potens es acumen
Visus restituere

4 a. Praesul orat, quod oravit,

Ut abdatur impetravit

Cordium duritia:

4 b. Caecus mox illuminatur,
Rex, plebs fide solidatur
Per signi mysteria.

5 a. Antistes Atrebatensis

Cunctos signis cum immensis
Per regnum Picardiae

5 b. Reliquias Vandalorum
Sordidatos idolorum
Junxit Christi latriae.

6 a. Hic in porta civitatis
Caeco, claudo sanitatis
Contulit subsidia,

6b. Templa Deo restauravit,
Verbum Dei praedicavit
Pulsa idolatria.

7 a. Urna meri venenati
A nefandis aulae dati
Per intrantis civitati
Patris cruce crepuit.

7 b. Petra bibunt ut Hebraei,
Prece sic dona Lyaei
Vasi sicco sanctus Dei
Suo caro tribuit.

8 a. Quo per virgam lucis merae

Ab hac vita te ciere,

Nosti nunc aeterno vere

Fruens Christo cohaerere

Gaudens coeli curia.

8 b. O Vedaste, praesul bone,
Nos consortes in agone
Prece, pastor et patrone,
Da nos coeli statione
Frui cum laetitia.