435. De sancto Vincentio.

la. Melos cordi consonum
Regi chorus offerat,
Potestati daemonum
Qui potenter imperat
Imperator omnium.

1b. Dum misertus miseris

Morte mortem superat
Foederatque superis,
Quos Satan illuserat,
Adae purgans vitium.

2 a. Ipsum regem gloriae
Confitens Vincentius
In tormentis hodie
Tanto vicit fortius,
Quanto plus sustinuit.

2 b. Daciane, crucias

Martyrem Vincentium,
Quia per blanditias
Christum Dei filium
Diffiteri noluit.

3 a. Ferri candentis lamina,
Testae calentis fragmina
Asperitasque fragminis

3 b. Carnem domant non spiritum

Nec minantur interitum

Interioris hominis.

4 a. Torquet tortor corpus assum,
Ignem, ferrum, vincla passum,
Sic insurgit sed in cassum
Victus in vincentem.

4b. Martyr enim, licet justus,
Spe coronae fit robustus
Nec injustum timet justus,
Patiens furentem.

5 a. In tortore fit defectus

Tormentorum, nam effectus
Non perducit ad defectum ;

5 b. Illum, cujus est affectus,
Ut sit fortis et perfectus.
Nihil habens imperfectum.

6 a. Poenam ignis teste ferri
Martyr aegre fert differri
Tortorem lentum arguens,

6 b. Sibi quaerens mox inferri,
Quidquid pejus potest ferri,
Fructum perennem intuens.

7 a. Tandem innumera
Poenarum genera
Cessant et opera
Datur, ut curetur.

7 b. Ut super veterum
Dolorem vulnerum
Acrius iterum
Dolor innovetur.

8 a. Sed fraudulenti medici
Curae non curat subjici
Nec in stramentis refici
Carnem consumptam quae-
rit.

8 b. Nam curatoris maximi
Certabat ope redimi
Volens in ipso perimi
Quod moritur et perit.

9 a. O Vincenti,
Dum tormenti,
Poenam sentis,
In tormentis
Manes tutus.

9 b. Stramentorum
Intrans tborum
Exspirasti,
Quod optasti,
Consecutus.

10 a. Corpus examine,

Quod in patibulo
Victum est minime,
Non sinit tumulo
Carnifex reponi.

10 b. Immo continuum
Scelus exagerat,
Saevit in mortuum
Et corpus imperat
Avibus exponi.

11a. Aves et bestiae

Praebent obsequium,
Gratum custodiae
Verentes noxium
Tactum adhibere.

11b. O mira novitas,

A brutis noscitur
In sancto sanctitas,
Et judex fallitur
Nec falluntur ferae.

12a. Tandem suspensa corpori
Mola mandatur aequori
Judicis mandato,

12b. Quod nactum litus sabulo,
Repertum claudi tumulo
Meruit sacrato.

13 a. O Vincenti, qui vicisti,
Miles fortis, miles Christi,
Victor invictissime,

13 b. Ora Christum pro devotis,
Ut salutem det aegrotis
Corporis et animae.