437. De sancto Viventio.

la. Festiva chorus iste

Moduletur melodia,

1b. Depromens tibi, Christe,
Vincentii magnalia.

2 a. Rex uranice,

Quem unum laudat unice
Coelestis curia,

2 b. Te supplicibus

Votis simul et vocibus
Psallit ecclesia.

3 a. Sanctus iste Viventius

Tecum vivens in patria

3 b. Nostrae tibi propitius

Laudis ferat praeconia.

4 a. Ut sol in tenebris claruit
De gentili prosapia,

4 b. Et ut spina rosam genuit
Tantum virum Samaria.

5 a. Greorgii secutus
Verba salubria,

5 b. Sacri fontis ablutus
Novatur gratia.

6 a. Per hunc Daciani
Credit filia,

6 b. Regis Christiani
Crescit gloria.

7 a. Exponit gentibus
Christi mysteria,

7 b. Multis virtutibus
Exstirpat vitia.

8 a. Reddit animas superis,
Reddit vivas

post mortis stipendia.

8 b. Nobis igitur miseris,
Pater alme,

succure prece pia

9. Conterens vitae
sempiternae praemia.

ANALECTA HYMNICA

MEDII AEVI.