APPENDIX VI. 647

tos quantum possunt, contumacesque arcendos esse a communione. Cumque anno 1839 idem postulatum instaurasse^ quidam Abissiniae missionarius, Emi Inquisitores Generales die 17 Iunii eiusdem anni ita censuerunt: « Detur Decretum die 28 Augusti anni 1637; tamen mis- sionarii id praestent adhibita omni christiana prudentia ». Tantum igitur abest ut Apostolica Sedes circumcisionem in Abissinis permiserit unquam aut toleraverit, quin potius eamdem expresse improbavit districteque inhibuit. Et iure quidem atque merito ; nam licet Abissini modo hanc, modo illam adhibendae circumcisionis causam praetexerent , constabat tamen, tum ex laudati Patriarchae accuratissima relatione, tum ex in- dubiis aliis argumentis, circumcisionem ab Abissinis servari tamquam ri- tum sacrum ac religiosum. Porro ea quae nunc de populis Gallis expo- nit Vicarius luculenter ostendunt atque persuadent hos quoque populos circumcisione uti ex aliqua sive explicita, sive saltem implicita cultus intentione. Quid enim aliud significant pertinacissima observantia cir- cumcisionis tamquam unius e principalibus fidei christianae tesseris, contemptus europaeorum incircumcisorum, opinio tandem quod ecclesia per solum incircumcisi ingressum polluatur, et quod Baptismus admi- nistrari nequaquam debeat nisi circumcisio praecesserit? Nec sane con- trarium evincit quod circumcisio adhibeatur in privatis domibus, nullo interveniente Ecclesiae ministro; nam et apud hebraeos circumcisio a quocumque fiebat etiam in privatis domibus. Quare Emi PP. communi- cari mandarunt Apostolico Gallarum Vicario decretum die 28 Augusti an. 1637, adiecta monitione, ut missionarii id praestent adhibita omni christiana prudentia. Quamvis autem iuxta hoc decretum contumaces arcendi sint a Communione , caveant tamen missionarii ne denegent baptismum infantibus circumcisis , quippe qui non sua sed parentum culpa iniuriam istam patiuntur. Praeterea quoniam Vicarius Ap. meminit in suis literis de quibusdam aliis vanis observantiis quae apud eosdem Gallas sunt in usu, et iudaismum redolent, qualis est observantia sab- bati et distinctio inter munda et immunda animalia, idcirco iusserunt Emi PP. ut Vicarius Ap. et reliqui missionarii omnem operam ponant ad vanas eiusmodi,observantias prudenter eradicandas; nam Sacrosancta Romana Ecclesia, ut in Oecumenico Concilio Florentino ab Eugenio IV declaratum est, omnes, post promulgatum Evangelium, circumcisionis et sabbati, reliquorumque legalium observatores alienos a Christi fide d enunciat, et salutis aeternae minime posse esse participes, nisi ali- quando ab iis erroribus resipiscant.