Acta Benedicti Pp. XVI 267

Evangelizatione, habito favorabili voto quorum interest, haec quae sequun-

tur in Madagascaria decernimus et statuimus. Detractis dioecesibus Amba-

tondrazakaënsi et Moramangana a sede metropolitana Antananarivensi, et

dioecesibus Toamasinensi et Fenoarivensi-Atsinananensi a sede metropolita-

na Antsirananensi, ex iis novam Provinciam Ecclesiasticam Toamasinensem

constituimus, cum sede principe in urbe Toamasinensi, omnibus iuribus datis

ad normam canonum. Novae Ecclesiae Metropolitanae subicimus ut suffra-

ganeas dioeceses Ambatondrazakaënsem, Moramanganam et Fenoariven-

sem-Atsinananensem. Pariter Venerabilem Fratrem Desideratum Tsarahaza-

na, Episcopum hactenus Toamasinensem, ad gradum Archiepiscopi

Metropolitae Toamasinensis promovemus, cunctis tributis iuribus impositis-

que obligationibus. Ad haec perficienda deputamus Apostolicum in Madaga-

scaria Nuntium, eidem tribuentes necessarias et opportunas facultates etiam

subdelegandi ad effectum de quo agitur quemlibet virum in ecclesiastica

dignitate constitutum, onere imposito mittendi sincerum exemplar

actus peractae exsecutionis ad Congregationem quam diximus. Hanc denique

Constitutionem Nostram iugiter ratam esse volumus, contrariis quibuslibet

rebus non obstantibus.

Datum Romae, apud Sanctum Petrum, die vicesimo sexto mensis

Februarii, anno Domini bismillesimo decimo, Pontificatus Nostri quinto.

e Tharsicius card. Bertone Ivan card. Dias

Secretarius Status Congr. pro Gentium Evangelizatione Praef.

Marcellus Rosseti, Protonot. Apost.

Franciscus Di Felice, Protonot. Apost.

Loco e Plumbi

In Secret. Status tab., n. 135.503