Acta Apostolicae Sedis - Commentarium Officiale266

privilegiis. Ad regimen vero quod spectat novae conditae dioecesis, sacrorum

Antistitem eius nominamos Venerabilem Fratrem Villelmum Patricium Vera

Soto, qui antehac huius Sedis fuit Episcopus Praelatus. Cetera secundum

leges canonicas temperentur. Quae omnia hic iubentes decrevimus ad effec-

tum adducat Apostolicus Nuntius quem supra memoravimus, vel ecclesiasti-

cus vir ad id quem ipse delegaverit, necessariis factis facultatibus. Re tandem

ad exitum perducta, documenta conficiantur, quorum sincera exempla ad

Congregationem pro Episcopis mittantur. Quae hisce Apostolicis Litteris rite

promulgavimus de dicta dioecesi Sancti Ioannis Baptistae de Calama, rata

posthac fore volumus ac firma, quibusvis rebus haudquaquam obsistentibus.

Datum Romae, apud S. Petrum, die vicesimo mensis Februarii, anno

Domini bismillesimo decimo, Pontificatus Nostri quinto.

e Tharsicius card. Bertone e Ioannes Baptista card. Re

Secretarius Status Congr. pro Episcopis Praef.

Franciscus Di Felice, Protonot. Apost.

Nicolaus H. M. D. Thevenin, Protonot. Apost.

Loco e Plumbi

In Secret. Status tab., n. 135.506

II

TOAMASINENENSIS

In Madagascaria nova conditur Provincia Ecclesiastica, Toamasinensis appellanda.

BENEDICTUS EPISCOPUS

servus servorum dei

ad perpetuam rei memoriam

Spiritali progressioni omnium fidelium in variis ecclesiasticis communita-

tibus sedule faventes, cuncta subsidia disponere contendimus quo id facilius

efficaciusque obtineatur. Quapropter suadente Congregatione pro Gentium