3. In Nativitate Domini.
In Gallicantu.

la. Vergente mundi vespere
Sol nascitur in sidere,
Dum verbum humanatur.

1b. Ros cernitur in vellere,
Fructus in virgae germine,
Dum virgo fecundatur.

2 a. Mirabilis est unio
Carnis cum Dei filio;
Obstupeat natura.

2 b. O qualis est et quantus est,
Quammagnus est,quam parvus est,
Quem virgo parit pura !

3 a. Par patris sapientia
Ex informi materia
Naturae corporalis.

3b.........

4 a. A summo caeli spatio
Suavi stillicidio
Se terris irroravit.

4 b. Sancto conceptus flamine
Naturae gigas germine
Puellam impraegnavit.

5 a. Alvus tumescit virginis
Partu Dei et hominis,
Virgo circumdat virum;

5 b. De monte lapis sectus est,
De lapide mons factus est,
Terrarum replens gyrum.

6 a. Nos iuva, caeli domina,
Qua gratiarum flumina
Fluunt regratiatis.

6 b. Ut tui simus proprii
Ac libertatis filii,
Cives aeternitatis.