66. In Purificatione BMV.

1. Virgo Maria

2 a. Gaudia sacra

protulit ; cui recepta

2 b. Iubilat arva;

Alleluia decantant

3 a. Mare necnon et astra;
corde, manibus
quae metent, rite captant;

3 b. Sol et luna coruscant,
signa simulque
famulantur ovando.

4 a. Stella poli fulgida,
nata manens Maria
virgine de sacrata,
cui reboare
decet carmina

4b. Dulciaque cantica,
modulando tibia
dramatis voce pia
regi nato, sidera
quem adorant.

5 a. Hostis atrox
Herodes lucida
arma minat,

5 b. Quem truncare
nimium cupiens
manus saeva.

6 a. Fuga liberat,

quem tota caeli tecta

Nunquam retentant

nec recludunt, per saecla

Qui patrator

manet in verbo cuncta.

6b. Mater Maria,

ave, semper colenda,

Quae caelicam

gestans in manu gemmam,

Quae micans

super astra omnia;

7 a. Quae, nimbos pluvias aethera
qui gubernat,

7 b. Quem Simeon manibus, sacrata
fert in ulna.

8 a. Voce cum devota

regem regum adorans:

Nunc dimitte, inquit,

Domine Christe,

tuum servientem in

pace tuo, hac hora

Gloria

confitentem de tua;

8b. Benedicens Deum
gratiasque peragens
Par turturum Deo
ferre cernebat
geminas et columbas
super aram sacratam,
Gratulans
(que) beata festa laudans,

9 a. Sic senex puerum
portabat manu pia

9 b. Regentem omnia

cum verbo cuncta per saecla.