10. In Transfiguratione Domini.

1 a. Christo laudes

sollemni carmine

1b. Christi cantent

redempti sanguine.

2 a. Sacer chorus
Sit sonorus

Cithara, psalterio;

2 b. Ut lex monet,
Psalmos sonet
Manus operatio.

3 a. A supernis
Et aeternis

Plaudat modulatio;

3 b. Ab humana
Laude vana

Pura sit intentio.

4 a. Geminatis fidibus
In mentis operibus
Ad legis decalogum
aspiremus ;

4b. E summo sollemnio
Operum psalterio
In conspectu Domini
iubilemus.

5 a. Ergo decem

chordis psallite;

5 b. Ergo regi

nostro psallite.

6 a. Psallite

Sapienter ;

6b. Psallite,

Sed decenter.

7 a. Ergo pro debito

Plaudamus alacrius ;

7 b. Ergo plus solito

Psallamus et altius.

8 a. Alta sunt sollemnia,
Altaque mysteria
Dies haec ostendit.

8 b. Alte cantant agmina,
Christus Thabor culmina
Die hac ascendit.

9 a. Qui invitat,
Nos invitat

Ad alta mysterii 5

9 b. Paucos vocat,
Dignos vocat
Secreto consilii.

10 a. Duos vocat Zebedaeos
Et seorsim ducit eos
Pertrum addens tertium ;

10 b. Trinitatem tendit tribus,
Quo designat, quo et quibus
Sit daturus praemium.

11a. A terrenis supplantati
Et in fide solidati
Per divinam gratiam

11b. Merebuntur in futuro
Intueri corde puro
Trinitatis gloriam.

12 a. Transfiguratur protinus
Deus, deorum Dominus,
Discipulis cernentibus ;

12b. Non aliud aspicitur,
Sed aliter ostenditur
Apostolorum visibus.

13 a. Ut sol vultus,

ut nix vestis splenduit ;

13 b. Cum Helia

Moyses apparuit.

14 a. Sternuntur discipuli

Concussi formidine ;

14 b. Hebetantur oculi

Lucis magnitudine.

15 a. O miranda ratio!

15 b. Mira dispensatio I

16 a. Petrus videt,

quos nunquam viderat,

16 b. Et agnoscit,

quos nunquam noverat.

17 a. Petit tabernacula

non sibi, sed aliis,

17 b. Nulla tamen exigit,

quam sibi vel sociis.

18 a. Ecce, nubes lucida
illos obumbravit,

18 b. Quam pro tabernaculis
Christus ministravit.

19 a. Dant Christo testimonium
lex et prophetia,

19 b. Adest testis, sed alius,
auctior Helia:

20 a. Pater ipse proprium
Attestatur filium,
Quo sibi complacuit.

20 b. Nubis luce spiritus,
Carne fulsit genitus,
Voce pater sonuit.

21a. Ecce, tota trinitas,
Indivisa unitas

Evidenter ostenditur;

21b. Ecce, summa deitas,

Quam spes, fides, caritas
Sperat,credit, amplectitur.

22 a. Ergo assis,

Christe, lactantibus,
Ergo fave

festa colentibus,
Ergo nostris

intende precibus,

22 b. Ut, quos tua

transfiguratio

Laetificat

praesenti gaudio,

Munerentur

aeterno praemio.