211. De sancto Prancisco.

1. Ceciderunt in praeclaris
Mihi funes in praecaris
Fratribus minoribus.

2 a. Pretiosi vere funes,

Quibus cincti sunt immunes
A mundanis sordibus,

2b. Funes isti funes Christi,
Quibus cincti sunt distincti
Peccatorum funibus.

8 a. Metiaris sive metas,

Spicasmetens, signans metas,
Opus est funiculo.

3 b. Fune capis terram viventium,
Funemessisaeternaebravium
Portas in manipulo.

4 a. O Francisce, Christi miles,

Decorasti funes viles

Cingulo militiae,

4b. Tu per hunc funiculum,
Militare cingulum,
Cinctus stola gloriae.

5 a. Tu pusilli pastor gregis,
Tu vexilli summi regis
Proferens insignia,

5 b. Vita vitam imitatus,

Morte mortem aemulatus
Exprimis vestigia.

6 a. Fossus manus, pedes, latus
Prior Christus est. signatus
Passionis stigmate.

6 b. Morti cuius conformatus
In eodem consignatus
Reperiris schemate.

7 a. O felices cicatrices,

Quibus Christi depinxisti
Vulnus sine vulnere.

7 b. Neque sude ferrea,
Nec confossus lancea
Sano lives latere.

8 a. Tui funes sub figura
Designantur in iunctura
Pannorum funiculis.

8 b. Ieremias faecibus
Est extractus funibus
Iunctis cum panniculis.

9 a. Funes verba praeceptorum
Panni facta sunt sanctorum
Faeces mundi vitia,

9 b. Sociantur blanda duris
Quae succurrant exituris
De culpae miseria.

10 a. Fune fures suspendendi,
Hostes fune vinciendi,
Hostis, fur, daemonia,

10b. Fures, quia nos denudant,
Hostes, quia sic insudant
Ad mortis exitia.

11a. Funes texunt lectos suaves,
Funes sistunt portu naves,
Funes trahunt sursum graves
Lapides in troclea.

11b. Pax aeterna, lectus suavis,
Christus portus, homo navis
Moles carnis mola gravis
Sursum vitae laurea.

12 a. Virgis caesus et nudatus
Fune Christus est ligatus,
Pannis infans reclinatus
Ornavit praesepia.

12 b. Funes non sunt abhorrendi,
Panni non sunt contemnendi
Sed gratanter amplectendi
Commutandi gloria.

13 a. Roga Christum, o Francisce,
Et sic funes pannis misce,
Ut qui pannis sunt induti
Fune cincti te secuti
Assequamur praemia.

13 b. Pannum rudem saccum scissum
In splendoris mutet byssum,
Sathan missum in abyssum
Fune liget, det promissum,
Induat laetitia.