861. De sancto Valerico.

1. O pulchra
sacer nostra
Valerice gemma,

2 a. Inter tua
nunc sacra
libens sollemnia

2 b. Laudantia
te nostra
carpe praeconia.

8 a. Te nam maiestas superna
iure sublimia
transvexit ad aethera,

3 b. Tantoque consorte cuncta
laetentur ut celsa
donat clemens agmina.

4 a. His meta

nexus aeterna
semper inexhausta,
Valerice,
potiris gloria,

4b. Post bella

daemonum victa
vigil athleta
felicia
percipiens tropaea.

5 a. Unde tam dulcifiua

quod summa manes gaudia
nos iam tua demus merita.

5 b. Quorum comptus nitida
praerogativa hic plurima
nituisti per tempora,

6 a. Caecis clara
reddens lumina,
mutis recta
hinc et famina
surdisque benigna
auditum pia
ex prece tua.

6 b. O decus ac
diadema,
Valerice,

nostrum per saecla,
sufficiet nulla
tam faceta
promere lingua,

7 a. Quae circumcirca
ex te plura
relucent magnalia.

7 b. Tu sanctus sancta
et diva
fretus adprime gratia

8 a. Aegris rite peroptata
nam nonnullis
conferebas commoda.

8 b. Felix vita tumque tua
multis via
exstitit ad supera

9 a. Luxque candens, forma
sectanda
per pia studia,

9 b. Turmis per sacrata
caelicis
hos nectens monita.

10 a. Cum quibus,
en, iubilas
sublimatus in celsa,
Valerice, curia,
fans dulcia
Christo Alleluia.

10b. Ubi summa
nobis una,
flagitamus, impetra
praemia mansura
dignos tanta
nos fac et gloria,

11a. Quo tecum confessor suprema,
Valerice,
constemus in aula.

11b. Sicque nostra, Christe, vota
pius adcumula.