2. In Nativitate Domini.

Mane.

1. Benignissima

2 a. Domini audite
mira melliflua
super nos
fusa clementia.

2 b. Almus Moyses
cernerat iam olim
in rubo
virginem illaesam.

3 a, Virga necnon
arida floruerat,
nucesque
tecta induxerat,

3 b. Portam clausam
viserat Ezechiel
Mariam
virginemque almam.

4 a. O bone rex que pie,
gratias tibi
referimus per cuncta,

4 b. Qui complesti omnia,
vates quae olim
[de te] iam cecinerant.

5 a. Nunc laeti canamus:
''Ecce, puerpera
genuit Emmanuel,
regem in saecula,
''alma virgo,
semper immaculata,
Maria,

5 b. Ante tempora
''Deum oraculis
prophetarum promissum
magnum in aethera,
''qui gubernat
et regit cuncta semper
imperia.

6 a. Stupesce, caeca
Iudaea, incredula,

6 b. Ecce, nunc cernis
promissa munera.

7 a. Ille nempe, tibi tanta
qui mira fecerat, immensa
quoque excelsaque
magnalia,

7 b. Manna polo quadragenos
annos te aluit, columna
ignis te deduxit
nubifera,

8 a. Nunc in stabulo parvulum
nobis Maria genuit,
regem regum in saecula.

8 b. Cui obnixis precibus
cuncti curvemur genibus,
nostra ut purget crimina,

9 a. Sempiterna gaudia
''Nobis det ut omnia,
quae sumt patris et sua,
proemia aeterna,
''una cum sanctis
in caelestem patriam.

9b. Trino regi Deo
''Salus et victoria
illi sit et gloria
omnia per saecla,
''cuncta iubilent
melliflua(ta) carmina.

10 a. O Christe, tibi immensam
referimus gratiam,

10 b. O pie, qui nostram venisti
gestare sarcinam.

11. Laus tibi, trine
in unitate,
per infinita
et immensa saecula.