231. De sancto Huberto.

la. Gratuletur chorus iste
Sitque procul omne triste
Ab isto collegio.

1b. Die sanctus hodierna
Transmigravit ad superna
Hubertus cum gaudio.

2 a. Comes erat palatinus
Cum crudelis Ebroinus
Opprimebat Franciam;

2 b. Illam prorsus deseruit
Quia ferre non potuit
Tyranni malitiam.

3 a. Ad Lambertum hic perrexit,
Postquam mores intellexit
Ipsius et merita.

3 b. Hunc Lambertus instruebat,
Hic instructus adimplebat
Sui patris monita.

4 a. Mundi fastum detestatur,
Christi legem amplexatur
Toto desiderio.

4b. Militarem rem abiecit
Atque totum se subiecit
Lamberti consilio.

5 a. PostbaecRomam est profectus,
In doctrinis iam provectus
Lamberti solertia ;

5 b. Apostolos visitavit,
Quibus suos mancipavit
Actus et officia.

6 a. Tunc Lamberti magnifici
Mortem summo pontifici
Angelus aperuit,

6 b. Qui divino miraculo
Cum pastorali baculo
Eidem apparuit.

7 a. Mox defuncto subrogatur
Et in eius collocatur
Hubertus regimine.

7 b. HicTungrorum plebem rexit,
A luporum hanc protexit
Mordaci voragine.

8 a. Mortem sciens ad venturam

Praeelegit sepulturam

In Petri basilica,

8 b. Dum animam exsufflabat.
Sese Deo commendabat
Sacra canens cantica.

9 a. Carlamanno fuit curae
Extra locum sepulturae
Hubertum eximere;

9 b. Hunc in altum sublimavit
Et regali praeditavit
Locum illum munere.

10 a. O Huberte, gregem istum
Apud verum regem Christum
Pie reconcilia,

11b, Ut valeat obtinere;
Et obtenta possidere
Sempiterna gaudia.