288. De sancta Martha.

1 a. Chorus iste

plaudat sollemnia
Sanctae Marthae,

cuius laetitia
Suis vitae

confert subsidia,
Alleluia.

1b. Quem aluit

parvulum Maria,
Virum pavit,

Martha, virgo pia.
Eius cepit

Christus hospitia
Valle ista.

2 a. Dum credidit,

Dominus Lazarum
Suscitavit,

licet iam foetidum ;
Obstupuit

turba Iudaeorum
Miraculum.

2b. Postquam Christus

caelos penetravit,
Pauperibus

bona distribuit,
Cum pluribus.
ut Deo placuit
Domum liquit.

3 a. Cum sorore Magdalena,
Maximino et Marcella
Massiliam petiit.

3b.Elegerunt loca sancta
Ad acquirenda praemia,
Nam Christo sic placuit.

4a.Marthae locus fit Tarasco,
In quo vixit sancta virgo
Mira parcimonia.

4b, Per hanc crucis signaculo

A plebe serpente trito

Liberatur patria.

5 a. Infideles convertuntur,
Daemoniaci curantur
Per eius suffragia.

5 b. Septem annis esca glandes,
Herbae fuere radices
Et poma silvestria.

6 a. Templum fecit fabricari
In honore Dei veri
Et eius genetricis ;

6 b. Ibi fratres et sorores
Regi regum famulantes
In hymnis et canticis.

7 a. Mersum Martha suscitavit,
Praesules pacificavit
Discordes a plebibus ;

7 b. Quem per annum haecpraescivit
Obitum denuntiavit

Quibusdam praesentibus.

8 a. Cum febre fatigaretur,
Huic exitus nuntiatur
Sororis Magdalenae.

8 b. Luminibus circumdatur,
Nocte tenus exstinguuntur
A pessimo daemone.

9 a. Soror venit, lumen praebet,
Martham vocat, haecrespondet
Christus hospes accedit.

9 b. Et dominicam audiens
Passionem, caelum videns
Christo flatum reddidit.

10 a. Quantum Christus hanc dilexit,
In fine summe patuit;
Martham digne sepelivit
Et propriis manibus.

10 b. Quibus bonis hanc dotavit,
Nullus promere valuit,
Nam languidos eripuit
A cunctis doloribus.

11 a. Ave, Martha gloriosa,

Flos virtutum, fragans rosa,
Margarita pretiosa
Christoque speciosa.

11b. Tua prece mundissima

Nos perduc ad caeli summa,
Quo vivamus per aeterna
Saeculorum saecula.