5. In Nativitate Domini.

la. Novum canticum cantemus,
Novas Deo decantemus
Laudes et praeconia;

1b. Novos sonos innovemus,
Novo cantu resonemus,
Nova sunt sollemnia.

2 a. Novus puer nobis natus,
Et filius nobis datus
Nova fecit omnia.

2 b. Homo natus et renatus,
Novo rege renovatus,
Nova speret praemia.

3 a. Qui de novo novum cepit,
Novus est, sed non incepit
Nec novit principia.

3b. Felix virgo, quae concepit,
Felix senex, qui suscepit
Christum inter brachia.

4 a. Huncprophetaepraedixerunt,
Hunc pastores cognoverunt
Inter animalia ;

4b. Hunc reges adoraverunt
Et munera obtulerunt
Stella duce regia.

5 a. Ave , virgo, de qua sumpsit
Veram carnem Deus, cum sit
Dei sapientia ;

5 b. Per te secum nos assumpsit;
Qui noneredit,iam praesumpsit
Currere per devia.

6 a. Gaude caelum, terra plaude,
Credat homo sine fraude,
Speret cum fiducia.

6 b. Et tu, virgo, digna laude,
Cum filio tuo gaude
In aeterna patria.

7 a. O quam dulcis melodia,
O suavis harmonia
In caelesti curia !

7b. Tibi dicunt: o Maria,
Tibi dicunt: ave, pia,
Ave, plena gratia.

8 a. Haecestlausetvoxsanctorum,
Hoc canticum canticorum
Cantet cum laetitia.

8 b. Psallat chorus supernorum,
Consonet vox angelorum,
Resonet ecclesia.

9 a. Omnes pariter psallentes
Psallant Deo sic dicentes:
Tibi laus et gloria.

9 b. Pia, pio nos praesentes,
Nostras ipsi fovens mentes
Offer desideria.

10. Duc nos tecum congaudentes
Ad aeterna gaudia.