7. In Epiphania Domini.

1 a. O abyssus caritatis !
Lumen verum deitatis
In tenebris oritur.

1b. O dulcedo pietatis I
Latitudo bonitatis

Augens cuncta agitur.

2 a. In praesaepe reclinatur,
Brutum sibi famulatur,
Per quem mundus conditur ;

2b. Brevi panno complexatur,
Super feno collocatur,
Qui nec caelo capitur.

8 a. Latet in tugurio,

Sed fulget in caelo ;
Praedicatur angelo
Et sidere novo

Orbis rex aethereus.

3 b. Lux aeterna oritur,
Videtur in solo;
Angelus conspicitur
Cum fulgore miro
Apparente caelitus.

4 a. Aperitur a Iudaeis

In Bethleem oppido

Christum nasciturum fore

Ex ore prophetico.

4 b. His probantes certi facti
Magi ex oraculo
Penitus sunt exsultantes
Viso Christo Domino.

5 a. Ergo et nos offeramus
Regi nostro pariter

Carnis, cordis puritatem
Ac amorem iugiter,

Fidei sinceritatem
Corde et realiter ;

5 b. Sic ad Deum revertamur

Regione aliter
Sordes mentis deponentes,

Renovati dulciter,
Intraturi, regnaturi

Cum Deo perenniter.