EXPOSITIO TEXTUS.

Trinitas supersubstantialis, etc.

Omissis autem salutatione quae praemittitur, quia alibi exposita est et per se patet, et titulo, qui etiam ex disputatione primi articuli per se patet, accedamus ad orationem quam praemittit. Orat ergo et dicit: Trinitas supersubstantialis, quae omnia esse facis, et superdea, quantum ad hoc quod jam existentibus providet, et superbona, in quantum ad ea dirigit in finem, inspectrix sapientiae divinae, id est, quae de Deo est, Christianorum, id est, a Christianis habita : quia ipse solus perfecte sui contemplationem habet, et ideo dicit, inspectrix, quasi intime spectans. Et dicit Christianorum ad differen-

tiam scientiae divinae, quam de Deo Philosophi habuere, quae plurimis erroribus immixta fuit, propter imbecillitatem rationis humanae. Tu, inquam, quia perfecte te vides, dirige nos ad summum verticem mysticarum eloquiorum, secundum quod in negationibus omnium, in ipsum, quasi in quoddam occultum venimus, ut dictum est. Verticem, dico, superignotum, etc. ubi, id est, in quo vertice, mysteria Theologiae sunt cooperta, id est, abscondita a nobis, secundum caliginem docti silentii supersplendentem occulte. Sicut ex nimio solis fulgore efficitur quaedam tenebrositas in oculo debili, nulla caligine in sole existente : ita in Deo non sunt ullae tenebrae, sed ex nimio ejus splendore obtenebratur noster oculus, quia impotens est ad tantum splendorem, et per istam caliginem occultantur nobis divina mysteria, dico, simplicia, etc. Verticem, dico, facientem super splendere, in mente, superclarissimum, scilicet divinum lumen, in obscuris simo, divinae eminentiae, quia quamvis obscuritatem relictam in nobis ex eminentia splendoris, deficiamus a comprehensione divinae eminentiae, tamen adhuc attingitur. Alia littera, " ipsa " relictis omnibus deificatur et illumina " tur. " Et ideo subdit, et superimplentem mentes nostras, et Angelorum, non habentes oculos corporeos, superpulchris claritatibus divinarum illuminationum, in summo illo omnino impalpabili, quia non cognoscitur visu exteriori, et invisibili quantum ad visum interiorem.

Deinde recapitulat dicens : Igitur, etc.: per se patet.

2