DUBIUM.

Sed videtur, quod non possint omnium affectiones poni in Deo.

1. Causa enim aliqua quae in nullo conveniens est causato, non recipit praedicationem sui causati : sicut non dicimus, quod sol est homo, sed dicimus, quod sol lucens super terram est dies : quia forma solis, quae est lux, facit diem : sed Deus in nullo communicat cum aliqua creatura, neque in genere, neque in specie, neque in analogia : ergo affectiones causatorum non possunt poni in Deo.

2. Praeterea, Nos non possumus dicere, quod faber est cultellus, quamvis operetur cultellum per intentionem quam

apud se : ergo videtur, quod quamvis rationes omnium rerum sint apud Deum, quod non debeant praedicari de ipso.

3. Praeterea, Causae propinquae non semper praedicantur de suis effectibus, nec e converso : ergo multo magis nec causa prima, nec remotissima.

4. Praeterea, Affirmatio et negatio opponuntur contradictorie, quando idem de eodem affirmatur et negatur, sicut fit in proposito : ergo videtur, quod istae affirmationes .et negationes sint oppositae.

Sed dicendum, quod ad hoc quod effectus praedicetur de causa, oportet quod causa et effectus sint communicantia aliquo modo : unde dico, quod quamvis Deus non communicet cum creaturis in genere, vel specie, vel analogia per quam aliquid unum sit in ipso et creaturis : communicat tamen quadam analogia imitationis, secundum quod alia imitantur ipsum, quantum possunt : quaedam tamen imitantur ipsum Deum ut ideata, sicut ea quae non sunt per prius in ipso; sicut asinus et lapis in formis suis, et ista non praedicantur de Deo essentialiter, sed causaliter tantum : quaedam vero imitantur ipsum ut imago vel similitudo illius, quae per prius sunt in ipso, sicut sapientia, et bonitas, etc, et ista dicuntur de ipso essentialiter et causaliter : et non est simile de fabro qui non est ratio cultelli q uam habet, sed Deus est omnes rationes rerum quas habet, quia est quidquid habet, et ideo recipit quodammodo omnium praedicationem : sicut etiam species artis dicitur domus a qua procedit domus in lapidibus et lignis, ut dicit Philosophus. Et per hoc patet solutio ad tria prima.

Ad ultimum dicendum, quod affirmantur de Deo secundum quid, scilicet saliter, et negantur simpliciter, quia per essentiam : simpliciter autem negatum et secundum quid affirmatum non contrariantur, sicut album secundum dentes et non album simpliciter.

1