BALTH, CORDERII, S. J, INTERPRETATIO.

In theologicis quidem Informationibus ea quae affirmantis theologiae maxime propria sunt, celebravimus ; quomodo divina bonaque natura unica dicatur, quomodo trina ; quaenam secun-

cta paternitas, et filiatio, et quid vult monstrare Spiritus Theologia : quomodo ex immateriali et simplici bono, in corde manentia bonitatis pullulaverunt lumina, et quomodo a mansione in ipso, et in seipsis, et in se invicem coaeterna pullulatione permanserunt inegressibilia : quomodo supersubstantialis Jesus humanae naturae veritatibus substantia factus est, et quaecumque alia ab eloquiis expressa in Theologicis hypotyposibus laudantur. In libro autem de Divinis nominibus, quomodo bonus nominatur, quomodo existens, quomodo vita et sapientia et virtus, et quaecumque alia intelligibiliter sunt Dei nominationes. In symbolica autem Theologia, quae sunt a sensibilibus ad divinas Dei nominationes, quae sunt divinae formae, quae figurae divinae, et partes, et instrumenta, quae divina loca, et qui ornatus, qui furores, quae tristitiae et insaniae, quae ebrietates et crapulae, quae juramenta, quae maledictiones, qui somni, et quae vigilationes, et quaecumque aliae sanctae formationes compositae sunt symbolicae deiformationis.

dum illam paternitas dicatur, et quaenam filiatio, quidve velit sibi illa divina Spiritus denominatio : quomodo ex immateriali et individuo bono, cordialia ista bonitatis lumina pullularint, et in ipso, et in seipsis, et in se mutuo coaeerna propagationi mansione nusquam digrediendo permanserint : quomodo Jesus, supersubstantialis, humanae naturae veritatibus substantiatus sit, et quaecumque alia a Scripturis exposita in theologicis Informationibus celebravimus. In libro autem de Divinis nominibus, quomodo bonus nominetur, quomodo ens, quomodo vita et sapientia et virtus, et quaecumque alia spiritalem Dei concernunt appellationem; in symbolicavero Theologia, quaenam nomina divina e rebus sensibilibus translata sint, quaeque divinae formae, quae figurae,quae membra, quae instrumenta, quae divina loca, qui ornatus, qui furores, quae tristitiae et irae, quaenam ebrietates et crapulae, quae juramenta, quae maledictiones, qui somni, quae evigilationes, et quotquot aliae sunt symbolicae effigiationis Dei sacrae formationes ac figurationes.