8. In Epiphania Domini.

1 a. Stella sita, quam viderant
in oriente magi,

1b. Antecedebat eos,

usque dum advenirent

2 a. Ad locum, ubi puer iacet
in angusto
praesaepio,

2 b. Et intrantes domum illum
cum Maria
matre cernunt.

3 a. Et apertis thesauris suis,
quae portabant,
auram, tus, marrham
obtulerunt.

3 b. Haec tria magi munera
quae offerunt,
magnum designant
mysterium:

4 a. Potentia regis
in auro
cernitur
[demonstrata],

4 b. Atque sacerdotis
in ture
magna vis
explicatur ;

5 a. In murrha est
sepultura dominica,
quae mortis destruxit
imperium.

5 b. Ecclesia

iuncta sponso est hodie,
qui peccata aquis
mundi lavit.

6 a. In nuptiis

lympha in vinum mutatur,
ex quo convivae [omnes]
sunt laetati.

6 b. Hoc signorum

indicium fecit Iesus
in Cana, quae vocatur
Galilaeae.

7 a. Herodes iratus
tanto viso sidere
explorare natum
per Bethleem
Dominum

Praecipiens pueros
a bimatu
quosque et infra trucidare.

7b. Exclamat Iohannes:
non audeo, Domine,
contingere sanctum
caput meis
manibus ;
Ego a te debeo
baptizari,
et non herus a servo suo.

8 a. Aqua Iordanis stupuit,
et columbae
vox [sic] protestatur:

8 b. "En, filius meus hic est,
in quo mihi
placet, hunc audite."

9. Principium et finis
trinus et unus
manens per saecula.