DIVISIO ET EXPOSITIO TEXTUS.

Deinde ponit ipsius addiscentis modum. : et dividitur in duas partes. In prima ponit modum ipsius. In secunda probat quod dixerat per auctoritatem, ibi (sig. 4), Ita igitur divinus Bartholomaeus, etc.

Prima dividitur in duas. In prima ponit modum discipuli in accipiendo, in secunda communicando aliis, ibi (sig. 3), Vide autem ut nullus, etc.

Modum autem, quem docet Timotheum, circumscribit, quo teneat formam discipuli, et est ut circa intellectus mysticos relinquat sensus et intellectuales operationes, forti contritione, quasi conterendo sub lumine divino, et quod derelinquat omnia sensibilia et intelligibilia, quia nihil horum est Deus, et dicuntur haec intelligibilia, quia intellectu comprehendi possunt : et sic debet relinquere omnia existentia in actu, et non existentia, quae sunt tantum in potentia : quia Deus non coordinatur aliquibus existentibus, sicut in genere eorum existens, et sic debet consurgere ad unionem Dei qui est super omnem substantiam et cognitionem secundum quod mens, in qua est imago reformata per habitum

absolutam, et puram tui ipsius a rebus omnibus avocationem, ad supernaturalem illum caliginis divinae radium, detractis omnibus et a cunctis expeditus, eveheris.

gloriae vel gratiae, actu Deum imitatur. Alia translatio, " imitationem, " ut scilicet Deo uniatur : et haec concordat alteri translationi quae habet " unitatem, " id est simplicitatem : et sic sursum agatur ad radium divinarum tenebrarum, cuncta auferens, id est, deserens excedendo seipsum : irretentibili, quasi non retinendo se intra principia rationis.