11. In Transfiguratione Domini.

1 a. Veste fulgens deaurata,

Christo sponso sponsa grata,
Fecundans ecclesia,

1b. Clara gemmis et corona,
Gratiarum spirans dona,
Sceptra fert regalia.

2 a. Sponsus hic praeclarus forma,
Fons virtutum, vitae norma,
Lux est iustis praevia.

2 b. Hic praecelsus et immensus,
Quem nullius capit sensus,
Regens implet omnia.

3 a. Sponsa virgo sine ruga,
Per quam primae culpae fuga,
Via patet invia.

3 b. Haec est virgo praeelecta,
Haec ad sponsum via recta
Vitae monstrat atria.

4 a. Dat thesauros alti sensus,
Dat maioris dona census,
Rex praecellit munere.

4b. Offert Christo sponsa fidem,
Dans pro fide caelos idem
Dat aeternum vivere.

5 a. Nam remota carnis mola
Merces erit dupla stola,
Duplex immortalitas.

5 b. Quisquis curet, ut sit dignus ;
Firmum dedit nobis pignus
Verbum patris, veritas.

6 a. Splendor patris et figura,
Nostra Christus in natura
Mirando specimine

6b. Fulgens lampas est ut solis,
Viris tribus visus solis
Montis in cacumine.

7 a. Bini vates hunc adfantur,
Iam ventura praeconantur:
Mors et crucis passio,

7 b. Dolor carnis in flagellis,
Clavis, sputis, potu fellis,
Hostilis derisio.

8 a. Est audita vox paterna
Tonans aula de superna:
"Meus hic est filius,

8 b. Hic dilectus, hunc audite,
Fons aeternus, hunc sitite ;
Non credens est impius."

9 a. Nubes tegit colloquentes,
Tres sternantur pavescentes,
Turbantur discipuli.

9b. Christus mitis manu tangit,
Quos divina virtus frangit,
Sui duces populi.

10 a. Allevat stratos, solatur,
Ne pavescant, exhortatur,
Vim virtutis caelicae.

10 b. Iubet, visa ne quis sciat.
Donec mortis victor fiat
Salvator mirifice.

11a. Homo, gaude, cor dilata,
Vita manet te beata,
Vita manet te perennis,
Hanc virtutum petepennis.

11 b. Sola virtus alas dabit,
Qua pennata mens volabit,
Donec Deum plene cernat,
Quo conspecto mundum spernat.

12 a. A peccatis transformatus,
Virtutibus innovatus,

Homo, addisce vivere;
Nam virtutum tibi scala

Dabit caelos scandere.

12 b. Omnes Christum transformatum
Flagitemus, ut reatum
Devoti gregis abluat
Ac in summi regno poli
Laureatum statuat.