17. De Vulneribus DN.

la. Salvete, arma gloriosa,
Christi morte pretiosa
Dedicata iugiter;

1b. Vos salvator exaltavit,
Quando se humiliavit
Per vos passus duriter.

2 a. Avete, arma, quam decora!
Omnibus splendidiora
Vos elegit Dominus,

2 b. Hostem fortem dum per crucem
Et per mortem mortis ducem
Expugnaret funditus.

3 a. Gaudete, arma, quae sacravit
Christus, quando debellavit
Et fugavit daemones;

3 b. Per vos caelos exornavit,
Angelos laetificavit,
Et salvavit bomines.

4 a. Valete, arma, quae victoris
Estis palma, redemptoris
Nobilis martyrii ;

4 b. Per vos sanat cunctis horis
Christus vulnus peccatoris
Ad instar collyrii.

5 a. O vos, arma, digna laude,
''Are, salve, vale, gaude
''Sumat per vos Dominus;

5 b. Qui per suam dulcem matrem
Nobis mitem reddat patrem,
Sit semper propitius.

6 a. Vos amabit quam decenter,
Salutabit reverenter
Humili officio

6b. Mundus, vos devote colet,
Qui non ex peccato dolet
Vestro beneficio.