BALTH. CORDERII, S, J, INTERPRETATIO.

Non enim temere divinus Moyses expiari primum ipse jubetur, ac deinde a non expiatis segregari, et post omnem expiationem audit multisonas tubas,

vocum buccinas, et videt lumina multa cum fulgore emittentia mundos et multum effusos radios : postea a multis segregatur, et cum electis sacerdotibus ad summitatem divinarum ascensionum pertingit. Quamvis per haec quidem non sit cum Deo, sed contemplatur non ipsum (invisibilis est enim) sed locum ubi est. ''