Acta Benedicti Pp. XVI 583

Datum Romae, apud S. Petrum, die quinto mensis Iunii, anno Domini bis

millesimo septimo, Pontificatus Nostri tertio.

Tarsicius card. Bertone

Secretarius Status

Ivan card. Dias

Congr. pro Gentium Evang. Praef.

Marcellus Rossetti, Protonot. Apost.

Franciscus Bruno, Protonot. Apost.

Loco e Plumbi

In Secret. Status tab., n. 62.715

II

SHENDAMENSIS

In Nigeria nova conditur dioecesis Shendamensis.

BENEDICTUS EPISCOPUS

servus servorum dei

ad perpetuam rei memoriam

Nuper est petitum ut in Nigeria, divisa archidioecesi Iosensi, nova conde-

retur dioecesis ad ibidem aeternam provehendam salutem gregis Dominici

eiusque regimini facilius et efficacius consulendum. Qua re, Congregatio pro

Gentium Evangelizatione, omnibus mature perpensis auditisque faventibus

votis eorum quorum interest, admotam postulationem censuit esse accipien-

dam utpote animarum saluti valde profuturam. Nos igitur, Qui gravissimo

fungimur munere supremi Pastoris universae catholicae Ecclesiae, talem sen-

tentiam ratam habentes, summa Nostra potestate haec decernimus. A Iosensi

archidioecesi separamus territoria patrio sermone nuncupata «Local Govern-

ment Areas » quae sunt Shendam, Langtang North, Langtang South, Mikang,

Wase et Qua'an Pan, una cum regionibus Lankan, Jiblik, Abwor/Dyis, Chip,

Jing, Tal et Pai pertinentibus ad «Local Government Area Pankshin »; ex

iisque distractis locis novam constituimus dioecesim Shendamensem, quam

Metropolitanae Ecclesiae Iosensi suffraganeam facimus atque iurisdictioni

Congregationis pro Gentium Evangelizatione subicimus. Praeterea iubemus

Episcopi Sedem poni in urbe Shendam atque templum ibi exstans, Deo in

honorem Sacratissimi Cordis Iesu dicatum, ad dignitatem Cathedralis eccle-

siae evehimus; cetera vero secundum canonicas leges temperentur. Quae

praescripsimus perficienda committimus Venerabili Fratri Laurentio Fratini,