Acta Apostolicae Sedis - Commentarium Officiale610

cum Nobol mater et filia accesserunt ad sepulcrum Beatae ut orarent. Deinde

iter in urbem Guayaquilium perrexerunt, ubi medicus, qui puellam examina-

vit, valde admiratus detexit eius externa genitalia nullam anatomicam osten-

dere deformationem, sed iuxta normam esse.

Repentina haec sanatio intercessioni Beatae statim est adscripta, quam

ob rem annis 2000-2001 apud Curiam Guayaquilensem instructa est Inquisi-

tio dioecesana, cuius iuridicam auctoritatem approbavit haec Congregatio de

Causis Sanctorum decretum edens die 4 mensis Octobris anno 2002. Consi-

lium Medicorum Dicasterii edixit huius casus solutionem fuisse "in restitu-

tione ad integrum" innati anatomici defectos, et ideo sanationem repentinam,

perfectam, constantem et ex scientiae legibus inexplicabilem fuisse. Die 4

mensis Aprilis anno 2006 habitus est Congressus Peculiaris Consultorum

Theologorum et die 19 sequentis mensis Decembris Patres Cardinales et Epi-

scopi congregati sunt in Sessione Ordinaria, Ponente Causae Exc.mo D.no

Petro Iacobo De Nicolò, Achiepiscopo titulari Martanaënsi. Et in utroque

Coetu, sive Consultorum sive Cardinalium et Episcoporum, posito dubio an

de miraculo divinitus patrato constaret, responsum affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Beatae

Narcissae a Iesu Martillo Morán, Christifidelis laicae, videlicet de repentina,

perfecta ac constanti sanatione puellae Adelminae Victoriae Arellano Plúas a

«malformazione congenita dei genitali esterni consistente nella fusione delle pic-

cole labbra vulvari, senza altre ambiguità genitali ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 1 mensis Iunii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. el. Biccarensis a Secretis