Acta Apostolicae Sedis - Commentarium Officiale618

Humilitatis, oboedientiae caritatisque spiritu claruit. Die 20 mensis Maii

anno 1903, vita, quam pro Iesu Christo impendit, in Domino concessit.

Summus Pontifex Ioannes Paulus II, die 14 mensis Maii anno 1991, eam

virtutes theologales, cardinales et his adnexas heroico gradu coluisse decrevit.

Beatificationis respectu, Causae Postulatio iudicio huius Congregationis

de Causis Sanctorum nuper assertam subiecit miram sanationem Valdiri

Bender, iuvenis, qui, dum vicesimum explebat aetatis annum, die 11 mensis

Martii anno 1985, chirurgicae intestini appendicis sectioni commissus in Bra-

silia, licet nondum plene sanatus mox de valetudinario dimissus est. Dolores

vero in eius abdomine persistebant, nauseae vomitusque motibus comitanti-

bus. Praevisis patratis curationibus, condiciones aegroti verumtamen in peius

ruerunt. Die 23 eiusdem mensis iuvenis ad novam chirurgicam sectionem

cogebatur, quae ileon et secretionem puris in alveo peritoneali ostendit.

Omnibus curis necessariis expletis, post operationem tamen aegroti vale-

tudo admodum in gravius vertit, cum status nullius animi conscientiae nec-

non hypotensionis sanguinis, palloris, cutis rigoris et exiguitatis respirationis

exciperet. Ingravescentibus condicionibus, infirmus agonizans in tertio gradu

comatis iuxta modum mensorium Glasguensem habitus est. Prognosis nempe

infausta dicta est.

Interdum, iam inde a tempore alterius chirurgicae sectionis, infirmi minis-

tra quaedam, sicut et familiares eius una cum aliis, ad divinum auxilium

confugere inceperant per intercessionem Servae Dei Iosephae Stenmanns.

Et inopinato, paucis horis intermissis ab illa chirurgica sectione, valetudo

aegroti citissime proficere coepit. Statu agonico superato, infirmus ex statu

inconscientiae refectus est, vires vigorque ad normalem et aequam rationem

redierunt et omnes membrorum supra invalidatae functiones refoverunt.

Post aliquot dies, iuvenis de valetudinario dimissus est, nec ulla dein exstitit

in ipso implicatio.

De hac extemplo mira aestimata sanatione anno 2004 apud Curiam Ar-

chidioecesis Portalegrensis in Brasilia Inquisitio dioecesana celebrata est,

cuius auctoritas et vis iuridica ab hac Congregatione de Causis Sanctorum

decreto diei 4 mensis Februarii anno 2005 probatae sunt. Dicasterii Consilium

Medicorum in sessione diei 24 insequentis mensis Novembris sanationem

valde repentinam, completam, duraturam, sine effectis posterioribus et inex-

plicabilem secundum scientiam fuisse affirmavit. Die 31 mensis Maii anno

2006 Congressus Peculiaris Consultorum Theologorum factus est et die 6

mensis Februarii huius anni 2007 Sessio Ordinaria Patrum Cardinalium et