Acta Apostolicae Sedis - Commentarium Officiale632

MATRITENSIS et ALIARUM

Beatificationis seu declarationis Martyrii Servorum Dei Avellini Rodrı́guez Alonso,

Sacerdotis professi Ordinis Fratrum Sancti Augustini et XCVII Sociorum eiusdem

Ordinis necnon VI ex Clero dioecesano († 1936)

DECRETUM SUPER MARTYRIO

« Omnis ergo qui confitebitur me coram hominibus, confitebor et ego eum

coram Patre meo, qui est in caelis » (Mt 10, 32).

Servi Dei Avellinus Rodrı́guez Alonso et 97 Socii Ordinis Fratrum S. Au-

gustini atque quinque sacerdotes et unus diaconus cleri dioecesani coram

hominibus Christum non timuerunt confiteri Dominum. Propriam dederunt

fidei testificationem tum tempore pacis tum tempore vexationis quae in

Hispania adversus Ecclesiam annis 1931-1939 saevierat. Iniurias et cuiuslibet

generis tribulationes passi sunt atque, ob Christi amorem, vitam strenue

devoverunt. Illi inter eos qui in custodiam sunt inclusi, orabant, aliis inclusis

solacium ferebant et se felices ostendebant ob propriam Redemptori fidelita-

tem vitam immolaturi; omnes animi serenitate iniustam acceperunt condem-

nationem atque multi, ante mortem, Christo Regi protulerunt acclamatio-

nem. Martyrium diversis in condicionibus temporis et loci sunt passi. Super

morte horum Servorum Dei quinque instituti sunt Processus diversis in Dioe-

cesibus, videlicet:

I) In archidioecesi Matritensi de occisione quaesitum est 65 Servorum Dei,

omnes sodales Ordinis Fratrum S. Augustini. Nominatim:

A) Occisi die 28 mensis Novembris anno 1936, in Paracuellos de Jarama:

1. Avellinus Rodrı́guez Alonso. In Santiagomillas (Asturicensi in dioecesi)

die 9 mensis Novembris anno 1879 est ortus. Vocatione ad vitam consecra-

tam percepta, in Ordinem ingressus est Fratrum S. Augustini. Religiosam

induit vestem anno 1896, sequenti anno simplicia vota nuncupavit et sollem-

nia anno 1900. Praescripto itinere impleto, ordinationem accepit sacerdota-

lem anno 1904. Varia exercuit officia, inter quae vices gerentis rectoris Uni-

versitatis Escurialensis Mariae Christinae, deinde vero rectoris Collegii