Acta Apostolicae Sedis - Commentarium Officiale620

gubernavit Antistita, materna cum sollicitudine Sororum moderans praepa-

rationem institutionemque. Ipsius sub moderamine Institutum multis crevit

vocationibus multisque communitatibus diversis in dioecesibus. Pie in Domi-

no die 14 mensis Novembris anno 1872 obdormivit.

Summus Pontifex Ioannes Paulus II die 20 mensis Decembris anno 2004

declaravit Servam Dei heroicum in modum virtutes theologales et cardinales

iisque adnexas exercuisse.

Postulatio Causae, Servae Dei prospiciens beatificationi, examini huius

Congregationis de Causis Sanctorum putatam subiecit miram sanationem

Sororis Mirae Veronicae Deresińska ex Congregatione Sororum a Sancta Eli-

sabeth, anno 1912 natae, quae optima gaudebat valetudine usque ad diem 11

mensis Septembris anno 1943 cum, Vratislaviae ob perpetua vota adstans,

inopinato aegrotavit, tussim habuit et sudorem. Sequente mense Octobri

primam habuit pneumorrhagiam. Examen radiographiae thoracis magnam

demonstravit cavernam in pulmone dextero atque laesiones in ambos pulmo-

nes penetrantes. Diagnosis fuit tuberculosis pulmonea extenta. Cum medica-

menta efficacia nondum contra eiusmodi morbum essent, prognosis infausta

erat quoad vitam. Mense Novembri eiusdem anni Soror in domum sui Insti-

tuti inter montes est missa, valetudini curandae idoneam, ad vacationem et

bonum alimonium.

Interea a mense Octobri Soror Mira Veronica, sciens suam vitam in peri-

culo esse, divinum inchoavit auxilium invocare. Serva Dei Maria Merkert

intercedente, erga quam diutius singularem nutriebat devotionem. Mense

Ianuario anno 1944 infirma claram habuit et velocem valetudinis meliorem

condicionem, a medicis etiam curantibus animadversam. Mense Augusto an-

no 1944 clinica ratione sanatio integra est comprobata, sine adiumento ali-

cuius curationis peculiaris.

Sanatio constans fuit, quamobrem Episcopus Opoliensis anno 2002 hoc de

casu dioecesanam instituit Inquisitionem, cuius iuridica validitas ab hac

Congregatione per decretum diei 28 mensis Martii anno 2003 est sancita.

Consilium Medicorum, in sessione die 30 mensis Iunii anno 2005 habita,

unanimiter sanationem declaravit celerem, perfectam, constantem et ex

scientiae legibus inexplicabilem fuisse. Die 29 mensis Novembris eiusdem

anni Congressus habitus est peculiaris Consultorum Theologorum, quem die

13 mensis Iunii anni 2006 alter est secutus. Die 19 sequentis mensis Decem-

bris Ordinaria Sessio habita est Patrum Cardinalium et Episcoporum, Causae

Ponente Exc.mo Domino Ottorino Petro Alberti, Archiepiscopo emerito Ca-