35. In festo 88.

Trinitatis.

la. Te veneremur, Domine,
Qui trinus es in nomine,
Alleluia ;

1b. Unus constans in numine,
Cuncta disponis ordine,
Alleluia.

2 a. Te patrem nos ingenitum,
Te natum unigenitum
Adoramus,

2 b. Te utriusque spiritum,
Spes et solamen tristium,
Collaudamus.

3 a. Sit benedicta trinitas,
Vera summaque deitas
Cuncta regens.

3 b. Personarum proprietas,
Laudetur atque deitas
Semper manens.

4 a. Te triplicem per numerum
Credimus unum Dominum,
Verum Deum,

4 b. Laus, decus et imperium,
Sit tibi in perpetuum,
Summe regum.

5 a. Spes nostra, salus, gloria,

5 b. Trinitas individua,

6 a. Concede nobis gaudia

6 b. Per infinita saecula.

7. Amen dicant omnia.