36. De sanctissima Trinitate.

1 a. Unum trinum adoremus,
Tres in una collaudemus
Personas essentia.

1b. Hae personae personali
Distinguuntur, non locali,
A se differentia.

2 a. Quamvissinttres, nonsunttria,
Quarum simplex est asia,
Sed trina distinctio;

2 b. Quas discernunt notiones,
Non humanae rationes,
Sed vera confessio.

3 a. Hae personae sunt diversae,
Non diversa, sed adversae
In rerum regimine,

3 b. Cum sit illis idem nosse,
Idem velle, idem posse
Pari moderamine.

4 a. Pater alter est a prole,
Proles tamquam sol ex sole
A patre progreditur ;

4 b. Quod procedat ab utroque
Flamen patre filioque,
Firma fide creditur.

5 a. In hac fide fortes stemus,
Ut per ipsam triumphemus
De mundi principibus ;

5 b. Hanc in petra solidemus,
Hanc ardentem comprobemus
Devotis operibus.