43. Diebus Dominicis.

1. Alme Deus

cui serviunt cuncta,

2 a. Quae gent polus,

tellus et quae prorogat,

2 b. Et quae dant maris

alta receptacula ;

3 a. Iussit ut constituens

omnia

tua sapientia,

ima, media

quae regit et ardua.

3 b. Hinc te cantant angeli,

laudant et

archangeli, Cherubin

atque Seraphin

dulci voce resonant.

4 a. Abraham

cum sociis David

et cum prophetis praedicat ;

4b. Salomon

et sapiens lingua

iucunda te glorificat.

5 a. Princeps claviger

et Petrus

tuba te celebrat aurea;

5 b. Paulus legifer

resultat,

et apostoli pronuntiant.

6 a. Hinc et martyrum

phalanx rosea,

confessorum

chorus atque candens

te canit et plebs

virginea ;

6 b, Hinc et innocens

tua columba

ecclesia,

quae mater est nostra

tuaque sponsa

carissima,

7 a. Te cantat in suis

cimbalis

tibi et Alleluia

concrepat.

7 b. Nos quoque cum laude

consona

ad te clamamus voce

cernua:

8 a. O Christe Domine,

miseris

parce tu famulis

tua pro clementia:

8b. Supplices protege,

rex pie,

tironesque tuos

tua sancta romphaea;

9 a. Coronam daque servis,

pro quibus tuam

claram dederas

stauro pendens

purpuram ;

9 b. Divites fac et fide,

propter quos pauper

factus es carne,

pacis et da

tempora-

10a. Cumque iusseris

sub hora mortis

vita nos hac migrare,

tua nos

dextra recipiat,

10 b. Atque inferni

de potestate

libera, O rex pie,

et perduc

ad caeli regiam,

11. Ubi per saecla

laetemur omnia

sempiterna.