LIBER SECUNDUS

Refutatis antiquorum opinionibus in primo libro, accedit in hoc secundo ad propriam intentionem, in quo tribus capitibus agit de pertinentibus ad considerationem veritatis in communi, explicans caput primum, quomodo ejus consideratio sit facilis et difficilis. Liber iste etiam est ex parte proaemialis, et unicam tantum continet summam in tria capita divisam. Quod ait Doctor infra cap. 1. num. 3. confusa esse prius nobis nola, intellige, cognitione confusa, non distincta, de quo vide eum primo hujus, q. 10. et ibi Scholium primum. De eo quod ait ibidem, num. 4. difficultatem intelligendi esse ex parte intellectus nostri; vide ipsum hic, q. 3. et ibi Scholium ultimum. Quod ex peccato sit, nos dependere a phantasmatibus in intelligendo, docet 2. d. 3. q. 8. ad primum, et alias ex Augustino.