44 Acta Apostolicæ Sedis - Commentarium Officiale

caritatis incusserat spiritum. Huius valetudinarii fama autem Caesaraugus-

tam iamiam pervenit, ubi nosocomium loci, sub titulo Dominae Nostrae

Gratiarum nuncupatum, in summa incuria ac neglegentia aegrotorum versari

habebatur compertum atque hominum mulierumque maxime egere, qui in

suipsius sacrificium pro Christi amore prompti essent et ad infirmis minis-

trandum omnino eniterentur.

Quam ad rem Servus Dei anno 1804 cum viginti et quattuor volunta-

riis, duodecim Sororibus ex quibus erat Beata quoque Mater Maria Ráfols,

et duodecim fratribus, Caesaraugustam accessit, qui apud Regium Valetu-

dinarium Dominae Nostrae Gratiarum seu Domum Infirmorum Civitatis

et Orbis darent operam. Administratorum eiusdem nosocomii coetus, ne

Pater Ioannes Barcinonem remearet, eum Compatientem Militibus creavit,

qui moribundis assidendi officio fungeretur, ut eosdem ad bonam mortem

compararet: primum vero propositum erat, ut Fraternitates ipse regeretur,

sed haud multum distanti tempore notabiles Valetudinarii suam mutaverunt

sententiam et, anno 1807, eum prohibuerunt quin Sorores moderaretur;

Pater Ioannes siluit easque oratione et labore apud Valetudinarium adiuvit.

Annis 1808-1814, tempore belli pro libertate a gallico iugo redintegranda

in Hispania, inter cruentissimas res gestas utrumque fuit obsidium annis

1808-1809 Caesaraugustae factum, quae dein civitas vere martyr in omnibus

singulisque civibus suis cognominata est. Exercitu gallico insidente, qui non

modo Valetudinarium perdiderat, sed civitatem ipsam delevit et fame suffo-

cavit, Pater Ioannes miram et inexhaustam adeo suam erga infirmos et sau-

cios utriusque agminis ostendit caritatem, ut Obsidionum Herois commereret

titulum, quo vero in centesimo anniversario sive tantorum belli eventuum

sive eiusdem mortis, die 19 mensis Augusti anno 1829, honestatus est.

Anno 1813, exercitu profligato gallico et administratorum Valetudinarii

coetu redintegrato, Pater Ioannes mandatum accepit 'deambulatoris mon-

tani', ut dicatur, cum ascensus ad vicos per saltus circa Caesaraugustam

dispersos commissi ei essent, qui dein facti sunt longiora itinera per totam

provinciam Caesaraugustanam, necnon septentrionalem, mediam et orien-

talem Hispaniam, ut stipem quaeritaret ad redigendas substantias, quae

Valetudinarii operibus necesse erant. Itineraria haec seu ascensus ad iuga

montium Servus Dei tamquam verae apostolicae peregrinationes in Eremo

Beatae Mariae Virginis de Saltu, prope Zueram, in parva domuncula eidem