Congregatio de Causis Sanctorum 45

secessui acclinata comparabat. Sexies haec peragravit, frigus aestumque

patiens et languorem sicut et lapsus ob gradus difficultatem et incommo-

ditatem viarum, necnon defectum hospitiorum vel eorundem tristitiam, sed

potius adiutoris, qui ipsi redditus erat, animo diu perferens dedecus.

Non est qui posset apte summam animi fortitudinem perspicere per-

longis in illis vicorum pagorumque, quos visitavit, elenchis latentem, ubi

distinctius ac singillatim, sicut oportebat, singuli quique ad libellam usque

percepti impensive nummi recensentur; aerumnarum autem dolorisque et

abiectionis tacetur cumulus pergravi tanto ministerio illatus, sicut et ardens

fulgor spiritualis, quem praedicatio ac praesertim longae horae in sublustri

umbra confessionarii consumptae elucebant.

In Eremo Beatae Mariae Virginis de Saltu aequo animo Pater Ioannes

ultimum asperum vitae suae ascensum seu postremum Domini occursum

instruxit. Parvula bona testamento reliquit, nihil aliud nisi perpauca denaria

et, quos tenebat, libros. In magna pace et profunda fide adventum Domini

die 19 mensis Augusti anno 1829 oppertus est. Epistulae permultis de vicis

post mortem eius exceptae benignum testantur hospitium, quo in corde eius

peculiares multorum simplicium accipiebantur necessitates, qui in eo lucem,

auxilium et expedimentum quodammodo quaerebant.

Ob sanctitatis famam Causa Beatificationis et Canonizationis apud Cu-

riam Archiepiscopalem Caesaragustanam inita est per celebrationem In-

quisitionis dioecesanae a die 29 mensis Iunii anno 1995 ad diem 7 mensis

Decembris anno 1999, cuius auctoritas et vis iuridica a Congregatione de

Causis Sanctorum die 13 mensis Octobris anno 2000 probatae sunt. Posi-

tione confecta, die 16 mensis Septembris anno 2011, in Congressu Peculiari

Consultorum Theologorum prospero cum exitu disceptatum est, iuxta con-

suetudinem, an Servus Dei more heroum virtutes christianas exercuisset.

Patres Cardinales et Episcopi in Sessione Ordinaria diei 20 mensis Novem-

bris anno 2012, cui egomet ipse Angelus Cardinalis Amato praefui, professi

sunt Servum Dei virtutes theologales, cardinales iisque adnexas in modum

heroum exercuisse.

Facta demum de hisce omnibus rebus Summo Pontifici Benedicto XVI

per infrascriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodier-

no die declaravit: Constare de virtutibus theologalibus Fide, Spe et Caritate