50 Acta Apostolicæ Sedis - Commentarium Officiale

ROMANA

Beatificationis et Canonizationis Servi Dei Pauli VI (Ioannis Baptistae Montini) Summi Pontificis (1897-1978)

DECRETUM SUPER VIRTUTIBUS

« "Domine, tu omnia scis; tu cognoscis quia amo te" ( Io 21, 17). Caritate

erga Christum et Ecclesiam compulsi, huius unitatem, huius unanimitatem

his annis praestavimus, iidem vindicavimus. Quibus scilicet opitulata est

gratia Dei ».

His quidem verbis Dei Famulus Paulus VI (quod sibi nomen, cum ad

Summum Pontificatum assumeretur, indidit Ioannes Baptista Montini) Emi-

nentissimos Sacri Collegii Cardinales Patres, die 22 mensis Iunii, anno 1973,

sibi die suo nominali felicia ac fausta ominantes, allocutus est. Quae mag-

nifica vox et praecipua eius lineamenta pietatis adumbrat, et integrum

eius vitae curriculum breviter adstringit. Nam cum excellentissimus fuit in

virtutibus, tum omnes vigilias, curas, cogitationes in Christi mysterio defixit,

cui animus totus in universae Ecclesiae utilitatem omni tempore prominuit.

Hic Dei Famulus Concesii, haud longe a Brixia, die 26 mensis Septembris,

anno 1897, bonis parentibus atque honesto genere natus est, cuius non parvae

tantum illius civitatis, sed Insubriae totius amplissima fuit auctoritas. Pue-

rilibus prius, deinde Gymnasii disciplinis in Loyolidarum collegio, in patria,

imbutus est; postea vero Philippianorum sodalium Oratorium frequentavit.

In ipsa prima adulescentia, post sacros secessus aeternis commentandis

rebus apud Benedictinos et Camaldulenses monachos institutos, sese divi-

no quodam instinctu ad sacra capessenda munia vocari intellexit. Itaque

in seminarium Brixiense, impetrata tamen ob infirmam valetudinem extra

morandi licentia, aliquot annos ire consuevit; ibique cum esset ad statum

clericalem egregie ac perfecte institutus, ad excelsam tandem sacerdotii

dignitatem die 29 mensis Maii, anno 1920, ascendit.

Et iam sacrum Ioannes Baptista in aliqua paroecia ministerium exercere

se parabat, cum in hanc ipsam Urbem, scilicet quo uberiorem sibi doctrinae

eruditionem compararet, missus est. Hic enim, in Insubrium sacricolarum