Congregatio de Causis Sanctorum 49

eum adhuc vivum comitata est et post eius mortem admodum increvit. Die

15 mensis Decembris anno 1907, exuviae eius in ecclesiam Cathedralem

translatae sunt.

Hanc ob eius sanctitatis famam Causa Beatificationis et Canonizationis

apud Curiam Episcopalem Stabiensem die 11 mensis Februarii anno 1966

inita est et instructa per celebrationem Processus Ordinarii primum ab

anno 1967 ad annum 1970 ac dein ab anno 1990 ad annum 1992, cuius

auctoritas et vis iuridica ab hac Congregatione de Causis Sanctorum die

25 mensis Martii anno 1994 probatae sunt. Positione confecta, die 8 mensis

Maii anno 2001, in Congressu Peculiari Consultorum Historicorum pro ea,

quae ad eorum pertinent competentiam, et, die 11 mensis Novembris anno

2011, in Congressu Peculiari Consultorum Theologorum prospero cum exitu

disceptatum est, iuxta consuetudinem, an Servus Dei more heroum virtutes

christianas exercuisset. Patres Cardinales et Episcopi in Sessione Ordinaria

diei 20 mensis Novembris anno 2012, cui egomet ipse Angelus Cardinalis

Amato praefui, professi sunt Servum Dei virtutes theologales, cardinales

iisque adnexas in modum heroum exercuisse.

Facta demum de hisce omnibus rebus Summo Pontifici Benedicto XVI

per infrascriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodier-

no die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servi Dei Francisci

Xaverii Petagna, Episcopi Castri Maris et Fundatoris Congregationis Sororum

a Sacris Cordibus, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 20 mensis Decembris a.D. 2012.

AnGelus Card. AmAto, s.d.B. Praefectus

L. G S.

G mArCellus BArtoluCCI Archiep. tit. Mevaniensis, a Secretis