Congregatio de Causis Sanctorum 55

suae afflictorum miserationis praebuit argumenta; idemque sua Apostolica

Adhortatione Evangelii nuntiandi, anno 1975 vulgata, humanam culturam,

immo vero ipsas culturas evangelizandas affirmavit. Vitae ac familiae digni-

tatem nonnullis hinc illincque impugnantibus non solum orationibus habitis

paene innumeris, verum etiam Encyclicis Litteris Humanae vitae de amoris

coniugum pretio in matrimonio, anno 1968 datis, obstitit ipse. At hic facere

non possumus quin memoremus eo sedente intestina populorum discidia,

sive in re publica sive in ipsa civitate gliscentia, ad seditionem interdum

et excidium, ad fraternam prope necem, erupisse, civibus ipsis rem pu-

blicam per vim ac metum evertere contendentibus: ipse vero innocentium

vitam deprecari, instare opportune, misericordiam denique implorare; hinc

maxima Communis Patris sollicitudo universarum gentium animos movere.

Vir fuit summae pietatis, quae non modo Scripturis, verum etiam Ec-

clesiae Patribus scriptoribusque de re mystica niteretur; idemque modestus

et humilis, plenus officii, in vita cotidiana temperantissimus. Praeterea,

summa fiducia animique tranquillitate praeditus, singulari humanitate fuit

ac misericordia; quas quidem virtutes scientia et copia ornavit. Omnium

negotiorum sequestrem se praebuit prudentissimum, qui catholicam legem,

in saeva illa tempestate, dum crebris undique doctrinae commutationibus

Petriana quassatur carina, sartam tectam praestavit. Et sane in hoc sin-

gulares eius virtutes etiam amplius exstant atque eminent. Quod ad eius

fidem attinet, firma et quae dulci quadam suavitate mentes omnium alliceret.

Quod ad spem, indomita eaque absoluta. At amplum et copiosissimum eius

virtutum thesaurum caritas cumulavit, quam ipse, vita ad iussa divinae legis

directa, cunctis hominibus toto pectore largitus est.

Sustentabat etiam piissimum virum sanctae quoddam precationis stu-

dium, divino Verbo, sacra liturgia, cotidiana Augustissimi Sacramenti ado-

ratione veluti altissimis defixum radicibus; cogitata, facta, omnia demum in

Christum vergere, in Christum, veluti in centrum, redigi; hic verti voluntas,

huc animus inclinari. Accedit his quod magna singularique pietate Deiparam

ipse Virginem prosecutus est, in cuius honorem Apostolicam Adhortationem

Marialis cultus anno 1974 conscripsit. Vir ad consilia prudens, principia con-

stantissime vindicavit et asseruit; praeterea, humanis miseratus erroribus,

homines ipsos, erroribus obnoxios, indulgenter habuit; utque dominicum sibi