Congregatio de Causis Sanctorum 43

ACTA BENEDICTI PP. XVI

ACTA CONGREGATIONUM

CONGREGATIO DE CAUSIS SANCTORUM

CAESARAUGUSTANA

Beatificationis et Canonizationis Servi Dei Ioannis Bonal Cortada Sacerdotis Dioe- cesani, Fundatoris Congregationis Sororum a Caritate Sanctae Annae (1769-1829)

DECRETUM SUPER VIRTUTIBUS

« Primum omnium mandatum est: 'Audi, Israel: Dominus Deus noster

Dominus unus est, et diliges Dominum Deum tuum ex toto corde tuo et

ex tota anima tua et ex tota mente tua et ex tota virtute tua'; secundum

est illud: 'Diliges proximum tuum tamquam teipsum'. Maius horum aliud

mandatum non est » ( Mc 12, 28-31). Vita et opera Servi Dei Ioannis Bonal Cortada sicuti sursum unus fuit

iugis ascensus ad Deum, ita plane propinquitas fratrum atque strenua iuxta

munera magistri christifidelisque actuosae participationis voluntate funditus

praediti presbyterique stipemque quaeritantis et missionarii navitas. Servus

Dei, enim, perlongam aevi partem Hispaniae longe lateque peragrandae

impertiit, ut pro pauperibus et infirmis quaestum colligeret simul et apos-

tolatum praeconis per vicos ipsos desertissimos exerceret et consolationem

ac veniam per ministerium confessionis omnibus traderet.

Servus Dei anno 1769 Terradiae prope Gerundam natus est et anno 1800

presbyteratu auctus. Cum ad pauperum infirmorumque curam se conferen-

di studio flagraret, cathedram grammaticae, quam legitime ex concursus

probatione obtinuerat, abnuit et intra moenia Valetudinarii Sanctae Crucis

Barcinonensis aliquos circa se collegit iuvenes, quibus magnum erga aegrotos