Acta Apostolicae Sedis - Commentarium Officiale134

CONGREGATIO PRO EPISCOPIS

ULTRAIECTENSIS et HARLEMENSIS - AMSTELODAMENSIS

De finium mutatione

DECRETUM

Quo aptius christifidelium pastorali curae consuli possit, Exc.mi PP.DD.

Villelmus Iacobus Eijk, Archiepiscopus Ultraiectensis, et Iosephus Maria

Punt, Episcopus Harlemensis -Amstelodamensis, ab Apostolica Sede unani-

mo consensu expostulaverunt, ut fines circumscriptionum ecclesiasticarum

sibi concreditarum aliquantulum immutarentur.

Congregatio pro Episcopis, praehabito favorabili voto Exc.mi P.D. Fran-

cisci Bacqué, Archiepiscopi titulo Gradiscani et in Nederlandia Apostolici

Nuntii, rata huiusmodi immutationem animarum saluti profuturam, vigore

specialium facultatum sibi a Summo Pontifice Benedicto, Divina Providentia

PP. XVI, tributarum, oblatas preces accipiendas esse censuit.

Proinde hoc decreto, perinde valituro ac si Apostolicae sub plumbo

Litterae datae forent, a territorio Ultraiectensi distrahatur et dioecesi

Harlemensi - Amstelodamensi adiungatur paroecia Sancti Pauli in pago

vulgo Nieuw -Loosdrecht.

Ad haec perficienda Congregatio pro Episcopis deputat memoratum

Exc.mum P.D. Franciscum Bacqué, necessarias et opportunas eidem

tribuens facultates etiam subdelegandi, ad effectum de quo agitur,

quemlibet virum in ecclesiastica dignitate constitutum, onere imposito ad

eandem Congregationem pro Episcopis authenticum exemplar actus

peractae exsecutionis remittendi.

Contrariis quibusvis minime obstantibus.