Acta Apostolicae Sedis - Commentarium Officiale152

ecclesiastico gradu academico Baccalaureatus in Philosophia post triennium.

Ad rem quod attinet oportet ut omnes ecclesiasticae Facultates Philosophiae

intersint progressioni huius praxis generalis universitatum, etiam quoad

annos requisitos gradibus academicis adipiscendis, ita ut triennium studiorum

philosophiae sit condicio ''sine qua non'' ad assequendum primum titulum

studiorum in Philosophia academice recognitum.

Secundus cyclus biennium specializationis requirere pergit, quo expleto

conceditur Licentia. Tertius cyclus ad Doctoratum investigationis, qui tres

saltem annos postulat, spectat in primis ad illos qui se praeparant ad docen-

dum in institutis altioribus, in quibus investigatio essentiale constituit ele-

mentum etiam ad solidam instructionem fovendam.

b) Formatio philosophica apud Facultates Theologiae vel Seminaria.

Tempus institutionis philosophicae definitur tamquam constituens pars

studiorum theologiae apud Facultates Theologiae vel Seminaria. Quin pro-

pria autonomia privetur, haec institutio philosophica, quam ipsa theologia

requirit,40 sinit ut studens, qui rectam methodologiam atque hermeneuticam

in rebus philosophicis et theologicis obtinuit, studia ipsa theologica congruen-

ter obire possit, ac personalem inveniat facultatem synthesis cum studia

philosophica-theologica ad conclusionem perveniunt.

Ex nimia permixtione materiarum philosophiae et theologiae - vel etiam

alius generis - sequitur ut studentibus deficiens formatio tradatur quatenus

ad respectivos ''habitus'' intellectuales, et confusio exoriatur inter diversa-

rum disciplinarum methodologias earumque specificum statutum epistemo-

logicum. Ut ergo auctum periculum fideismi arceatur et tum abusus tum

fractura philosophiae vitetur, valde praeoptandum est ut cursus philosophici

primis duobus annis formationis philosophicae-theologicae persolvantur.

Haec philosophica studia, intuitu studiorum theologiae peracta, cum cursi-

bus introductionis theologiae per hoc biennium coniungentur. Omnia quae

attinent ad spatium temporis, numerum creditorum et materiam studiorum

philosophiae, vigorem sortientur etiam in nationibus ubi studia philosophiae

inseruntur in programma Baccalaureatus apud Altius Institutum catholicum

extra Facultatem ecclesiasticam.

40 Cfr. Fides et ratio, 77.