Acta Apostolicae Sedis - Commentarium Officiale156

Art. 52 bis [Qualificationes professorum Philosophiae in Facultate Theologiae]

Numerus professorum philosophiam docentium tres saltem attingat

insignitos requisitis titulis philosophicis (cfr. Ord., Art. 17 et 61, b). Opus

est ut isti sint stabiles, id est, pleno tempore dediti ad philosophiam docen-

dam et ad investigationem in hoc ambitu exsequendam.

Art. 59 [Fines ecclesiasticae Facultatis Philosophiae]

§ 1. Investigatio et institutio philosophica in ecclesiastica Facultate

Philosophiae innitendae sunt ''patrimonio philosophico perenniter valido'' 42

quod per saeculorum decursum enucleatum est, peculiari ratione habita ope-

rum Sancti Thomae Aquinatis. Eodem tempore oportebit ut philosophia in

Facultate ecclesiastica tradita pateat opibus quas recentiores investigationes

praebuerunt et afferre pergunt. Amplitudo quidem sapientialis ac metaphy-

sica philosophiae confirmandae sunt.

§ 2. In primo cyclo, philosophia ita tradatur oportet ut studentes qui ad

Baccalaureatum aspirant solidam cohaerentemque synthesim doctrinae adipis-

cantur, ac diversa philosophica systemata examinare et diiudicare addiscant

necnon personali considerationi philosophicae assuefiant. Si primi cycli studio-

rum theologicorum studentes cursus primi cycli in Facultate philosophiae

frequentant, curetur ut specificus sensus materiae et finis cuiusque itineris

formativi serventur. Expleta institutione philosophica non confertur titulus

academicus in Philosophia (cfr. Sap. Chr., Art. 72 a.); nihilominus studentes

requirere possunt testificationem de cursibus frequentatis et creditis adeptis.

§ 3. Institutio in primo cyclo obtenta perfici poterit in subsequenti cyclo

initae specializationis per maiorem animi intentionem in partem philosophiae

ac per intensiorem sedulitatem studentis in consideratione philosophica.

§ 4. Perspicue distinguendum est inter studia apud ecclesiasticas Facul-

tates Philosophiae et curriculum philosophicum quod constituens pars est

studiorum apud Facultatem Theologicam vel Seminarium. In institutione

ubi inveniuntur insimul et ecclesiastica Facultas Philosophiae et Facultas

Theologiae, cum cursus philosophiae, qui partem constituunt primi cycli

quinquennalis theologiae, absolvuntur apud Facultatem Philosophiae,

42 Cfr. Codex Iuris Canonici, can. 251; Conc. Oecum. Vat. II, Decr. de institutione sacerdotali

Optatam totius, 15.