Congregatio de Causis Sanctorum 141

doctoris in Iure Canonico adipiscendum. Iterum reversus in Hispaniam missus

est ut doceret Theologiam moralem in Collegio Sancti Iosephi in loco Scoria-

lensi. Bello civili grassante, Servus Dei coactus est se occultare Matriti, ubi

nocte inter dies 2 et 3 mensis Octobris anno 1936 interfectus est.

Pater Gonzalus Barrón Nanclares (in saec.: Fortunatus) natus est Ollaurii

apud Riogiam die 20 mensis Octobris anno 1899. Iuvenis ut novicius admis-

sus in Congregationem et sacerdos ordinatus est anno 1923. Ministerium

exercuit praedicatoris et deinde officium Oeconomi Provincialis habuit. Mar-

tyrio gradatim et fortiter se paravit, sicut confirmatum est ab aliquibus

scriptis suis. Cruenter mortuus est nocte inter dies 1 et 2 mensis Septembris

anno 1936 plumbis transfossus.

Pater Eladius López Ramos (in saec.: Iosephus Leo) natus est Larocii in

Gallaecia die 16 mensis Novembris anno 1904. Puer septem annorum voca-

tionem suam ad vitam religiosam coepit ostendere. Postea, admissus novicius

in Congregationem, prima vota emisit anno 1924 et ordinatus sacerdos est die

25 mensis Augusti anno 1929. Bello civili ineunte, magister in Collegio

Matritensi erat. In aliqua vexatione cum aliis sacerdotibus in deversorium

se recepit; sed recognitus se presbyterum esse non abscondit et necatus est

nocte diei 8 mensis Augusti anno 1936.

Pater Marius Ros Ezcurra (in saec.: Aloisius) ortus est Lezaunii in regione

Navarra die 30 mensis Aprilis anno 1910. Nobili loco natus, iam puer prae-

buit optimas humanas virtutes et certam pietatem. Anno 1929 admissus est

in Congregationis tirocinium et ordinatus sacerdos est die 21 mensis Iulii

anno 1935. Missus in Matritense Collegium uti magister, propter bellica even-

ta in civitatis deversorium confugit, sed denutiatus est seditiosis. Detentus,

vexatoribus indolem sacerdotalem suam pronuntiavit; quam ob rem plumbo

interfectus est die 14 mensis Augusti 1936, prope Matritum vix vicesimum

sextum annum aetatis suae agens.

Ob famam martyrii horum Servorum Dei, quae post mortem increbruit,

duo Processus instructi sunt apud Curiam Archiepiscopalem Matritensem:

prior, pertinens ad Servum Dei Theophilum Fernández de Legaria Goñi, inter

annos 1951 et 1953; alter, pertinens ad Servum Dei Isidorum Iñiguez de

Ciriano Abechuco et ad tres Socios, inter annos 1958 et 1963. Per rescriptum

diei 23 mensis Februarii anno 1991 duo Processus coniuncti sunt, cuius vim

iuridicam hoc Dicasterium approbavit per Decreta edita diebus 10 et 31

mensis Ianuarii anno 1992. Die 5 mensis Decembris anno 2008 Peculiaris

Consultorum Theologorum Congressus agnovit martyrii materialem et for-