46 Acta Apostolicæ Sedis - Commentarium Officiale

tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servi Dei Ioannis

Bonal Cortada, Sacerdotis Dioecesani et Fundatoris Congregationis Sororum

a Caritate Sanctae Annae, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 20 mensis Decembris a.D. 2012.

AnGelus Card. AmAto, s.d.B. Praefectus

L. G S.

G mArCellus BArtoluCCI Archiep. tit. Mevaniensis, a Secretis

SURRENTINA - CASTRI MARIS VEL STABIENSIS

Beatificationis et Canonizationis Servi Dei Francisci Xaverii Petagna Episcopi

Castri Maris, Fundatoris Congregationis Sororum a Sacris Cordibus (1812-1878)

DECRETUM SUPER VIRTUTIBUS

« Precatio panis cotidianus est, quo spiritus Ecclesiae uniuscuiusque

christifidelis est fulciendus, afflatus scilicet, quo dies quisque nostrae vitae

alitur ».

Quae Servus Dei Franciscus Xaverius Petagna populum suum edocuit,

haec spiritualem usum ipsius et pastoralem conscientiam summopere enun-

tiant. Vir enim profundae et firmae fidei, libera ac pura spe Dei potesta-

ti, a quo, in angustiis praesertim et tempestatibus, quaesiit fortitudinem,

sese omnino commendaverat. Orationi tenaciter animo coniunctus, primum

cotidianum diluculum eum in laude Domini et in aeternarum veritatum

cogitatione inveniebat raptum. Eucharisticum sacrificium seraphico ardore

celebrabat et Cor Christi, immaculati Agni, intellectus fons eius fuit et

culmen. Peculiari devotione Matrem Dei coluit et, anno 1854, occasione

proclamationis dogmatis Immaculatae Conceptionis Beatae Mariae Virgi-