Congregatio de Causis Sanctorum 47

nis, in Urbe adesse voluit. Pietas eius, insuper, indefessam sollicitudinem

fecundabat, quae in annos ipsa protinus crevit.

Servus Dei, quintus e filiis Dominici Petagna, aurificis, et Angelicae

Cataldo, die 13 mensis Decembris anno 1812 Neapoli natus est et eodem die

ad baptismalem fontem regeneratus. Donum hoc fidei, quod sub lare fervida

catholica pietate funditus informato recepit, lumen fuit eius et moderamen,

quae iam inde ab infantia ad munera ipsi commissa laetanter adimplenda

et vocationem comperiendam eum adduxerunt. Sacramento confirmationis

die 5 mensis Martii anno 1827 recepto, sequenti mense Maio invitationem

Domini ad sacerdotium suscipiendum accepit et Seminarium Archiepiscopale

Neapolitanum ingressus est. Cursu institutionis completo, die 19 mensis

Decembris anno 1835, dum vicesimum quartum aetatis annum agebat, ab

aetate dispensatus, presbyteratu auctus est.

Primum ministerium usque ad annum 1849 Neapoli multis attendens

officiis exercuit: praedicationi scilicet ac vespertinis cum christifidelibus,

praesertim iuvenibus, occursibus, pastorali pro gravioribus aegrotis capti-

visque servitio et puellarum pauperum parentibus orbatarum institutioni

ac tutelae. Sacras Scripturas insuper et Theologiam dogmaticam iuvenes

clericos Seminarii alumnos docuit. Ministerium adimplens, moribus suis

apostolicis virtutibus suffultis emicuit, pura nempe veritatis ad lucem evan-

gelicae doctrinae exquisitione, patientiae constantia, mansuetudinis benigni-

tate, verecunda prudentia, operum sollicitudine, castitate vitae, flagranti

erga Deum et proximum amore. Hanc praeter illustrem apostolicam sedu-

litatem Servus Dei summam studii etiam navitatem exhibuit ac profudit,

cui strenuo ardore operis vacavit. Acuto praeditus ingenio, in scientia et

philosophia iuvenili iam aetate versatus est et cum sociis quibusdam anno

1841 catholica commentarla edenda fundavit, cui titulus « Scientia et Fides »,

quae in eruditorum illius temporis controversiam de disciplinarum scientiae

et veritatum fidei concordia conferrent subsidium.

Die 11 mensis Ianuarii anno 1850, a rege Ferdinando II de Borbone

Episcopus Castri Maris nominatus est et a Beato Pio Pp. IX die 20 sequentis

mensis Maii confirmatus. Die 16 mensis Iunii anno 1850, Neapoli a Servo

Dei Xysto Cardinale Riario Sforza episcopus ordinatus est et, eodem die,

ad christifideles Dioecesis primam rettulit suam Epistolam pastoralem, qua

ministerii sui episcopalis capita tradidit agenda, instaurationem scilicet vitae