Acta Apostolicae Sedis - Commentarium Officiale136

quemlibet virum in ecclesiastica dignitate constitutum, onere imposito ad

eandem Congregationem pro Episcopis authenticum exemplar actus

peractae exsecutionis remittendi.

Contrariis quibusvis minime obstantibus.

Datum Romae, ex Aedibus Congregationis pro Episcopis, die 6 mensis

Novembris anno 2010.

Marcus card. Ouellet

Praefectus

L. e S.

e Emmanuel Monteiro de Castro a Secretis

Prot. N. 663/2010

BOSNIAE ET HERZEGOVIAE

De Ordinariatus militaris erectione

DECRETUM

Cum Apostolicam Sedem et Bosniae et Herzegoviae Magistratus inter

sollemnis nuper inita sit pactio, eum in finem ut militibus et christifidelibus

catholicis ad copias terrestres, maritimas et aëreas pertinentibus, stabili

firmioreque ratione. spiritualia praestentur adiumenta, Summus Pontifex

Benedictus, Divina Providentia PP. XVI, suppleto quatenus opus sit eorum

interesse habentium vel habere praesumentium consensu, Ordinariatum

militarem in Bosnia et Herzegovia erigit atque constituit.

Ordinariatus militaris praedictae Dicionis regetur: normis generalibus

Constitutionis Apostolicae « Spirituali Militum Curae », propriis Statutibus

ab Apostolica Sede editis, legibus ecclesiasticis universalibus.

Ad haec exsecutioni mandanda idem Summus Pontifex Exc.mum P. D.

Alexandrum D'Errico, Archiepiscopum titularem Carinensem in Bosnia et

Herzegovia Apostolicum Nuntium, deputare dignatus est opportunis et