51. Diebus Dominicis.

1. Laude canora
vox pulchra
Sileat nulla

2 a. Iucunda

dare praeconia

per arva, per sidera,

2 b. Fecunda

mittenti nuntia

mox partum sequentia

3 a. Virginis ad aures
concipiendas
munera
gaudiflua.

3 b. Spes unde, lux, vita
prodit, venia,
libertas
et gloria.

4 a. Hinc stupet mater,
virgo miratur,
currunt per orbem miracula:

4b. Pax caeliflua
vestit saecula,
nova capit dona natura.

5 a. Sed fremit tanta
ad insignia
plebs sola Iudaica;

5 b. Sibi nocua,
nobis commoda
parat ac suspendia.

6 a. Hinc iterum maxima
laus micat soliflua,
mortis iura cadunt improba

6 b. Sacra cruce munera
deferente vivida
bis bina orbis per climata.

7 a. Exsultat hinc dignissima
triumphans
fide iucunda
sponsa ecclesia
lucida.

7 b. Fraus luget hinc spoliata
antiqua

serpentis dira,
Christi clementia
subdita.

8. Promissaque ad supera
ducat nos caelica
debita post busta,
Ubi Alleluia
redditur per saecla.