Acta Apostolicae Sedis - Commentarium Officiale140

CONGREGATIO DE CAUSIS SANCTORUM

MATRITEN. - COMPLUTEN.

Beatificationis seu Declarationis Martyrii Servorum Dei Theophili Fernández de

Legaria Goñi et IV Sociorum, Sacerdotum Professorum e Congregatione Sacrorum

Cordium Iesu et Mariae ({ 1936)

DECRETUM SUPER MARTYRIO

« Iustorum autem animae in manu Dei sunt, et non tanget illos tormentum

mortis [...] Etenim, si coram hominibus tormenta passi sunt, spes illorum im-

mortalitate plena est » (Sap 3, 1.4).

Antiqui sapientis verba resonant in vita morteque Servorum Dei

Theophili Fernández de Legaria Goñi et IV Sociorum, qui eorum fidelita-

tem Christo demonstraverunt sanguinis effusione et hodie in Ecclesia cum

martyrii aurea corona lucent.

Pater Theophilus (in saec.: Beniaminus) natus est Torralbae Rivi in re-

gione Navarra (Hispania) die 5 mensis Iulii anno 1898 christiana e familia.

Puer peculiarem ita ostendit inclinationem ad vitam religiosam, ut novicius

ingrederetur Congregationem Sacrorum Cordium Iesu Mariaeque, vota

pronuntians. Denique sacerdos ordinatus est. Propter sui ingenii facultates,

Romam missus est ut studia Theologiae conficeret; deinde gradum doctoris

in Sacra Theologia consecutus est. Reversus iterum domum, Rector et Con-

gregationis Scholasticorum Sancti Iosephi Superior in loco Scorialensi apud

Matritum fuit. Die 11 mensis Augusti anno 1936, in loco ipso bellum civile

flagravit et Servus Dei detentus est et crudeliter necatus. Postero die, corpus

eius agnitum est et in communi fossa humatum.

Cum eo necati sunt alii quattuor fratres eiusdem Congregationis, scilicet

Servi Dei Isidorus Iñiguez de Ciriano Abechuco, Gonzalus Barrón Nanclares,

Eladius López Ramos et Marius Ros Ezcurra.

Pater Isidorus Iñiguez de Ciriano Abechuco (in saec.: Ioannes) natus est

Legardae in regione Navarra die 8 mensis Martii anno 1901 e vere christiana

familia. Acceptus in Congregationem Sacrorum Cordium Iesu Mariaeque vota

professus est et ordinatus sacerdos anno 1925, dum Romae erat ad gradum