52 Acta Apostolicæ Sedis - Commentarium Officiale

Vaticanas aedes instituendam curavit, quo facilius reperirentur milites ce-

terique cives, sive bello capti seu ad castra suosve nondum reversi.

Bello composito, id quod constat inter omnes, dum potentiora frigido,

quod dicitur, bello, mutua videlicet inter se simultate, distinentur impe-

ria, non solum ad omnia restituenda, verum etiam ad hominum animos

pietatisque sensum integrandos, magno quidem eoque haud raro sociato

labore, Ecclesia ipsaque civitas contulerunt. Et sane novae illius aetatis

princeps fuit Ioannes Baptista Montini. Quem enim virum, de re catholica

deque Romano Pontifice et Apostolica Sede optime meritum, Pius XII suum

Prosecretarium pro ordinariis Ecclesiae negotiis creavit die 29 mensis No-

vembris, anno 1952, eum deinceps metropolitanae Ecclesiae Mediolanensi

praefecit Kalendis Novembribus, anno 1954, singularique pariter ministerio

destinavit. Capta igitur huius amplissimae sedis possessione, dum divinis

veritatibus novum sibi concreditum mysticum gregem collustraret, inusitatas

vias Antistes prudentissimus indagavit. Gravissimae enim ibi invenit quaes-

tiones solvendae: alienigenae in Ambrosianam urbem crebrius crebriusque

immigrabant; marxiana doctrina divulgabatur, materia ipsa principatum

obtinebat; ea in primis animos operariorum paulatim irrepebat, eorum vitam

inficiens et pietatem restinguens, denique animarum salutem ad extremum

prope discrimen adducens. In rebus tam angustis hic omni ope atque opera

enixus est ut ad cuncta expedienda, pro parte virili, praesens ferretur auxi-

lium et utiles actiones ac rationes inirentur; potioresque in eandem operam

navatam cives Christianis restituendis sibi commissae Ecclesiae moribus,

doctiores scilicet ac potentiores, adhibuit suique laboris participes fecit.

Non mirum igitur si excellentissimo viro, doctrina, pietate rerumque

agendarum prudentia egregie praestanti, Beatus Ioannes XXIII, quo ipse

iampridem familiariter utebatur, Sacrae Purpurae detulit honorem, cum

recens ab se initum Apostolatum sacro coram se habito Consistorio, die

15 mensis Decembris, anno 1958, inauguraret. Indicto postmodum Concilio

Oecumenico Vaticano II, actuosam hic Dei Famulus eidem apparando, suop-

te consilio atque industria, navitatem impendit; deinde magno ex universa

Ecclesia conventui interfuit ipse. Verum, cum interea Ioannes, complorante

Catholico Orbe universo, mortalem vitam cum aeterna placidissime com-

mutasset, sacro rite habito Purpuratorum Patrum comitio Summo Pontifici